EUS | CAST

BIDEAK Dokumentala

Proiektuaren garapena

Proiektuaren garapena

Ibilbidearen trazaketa
Arruazutik Izabara joateko mendiko bideak erabiliko ditut, bai bide lokalak zein GR bezala ezagutzen ditugunak, beraz bidea hauek lotu beharko ditut distantzia eta garaiera metatuak ongi neurtuz, erronka betegarria eta segurua izan dadin. Gainera bide hauen historia eta zehaztapenak kontutan hartu eta ezagutzera ematea nahiko nuke ibilbidea sarean erabilgarri egoteko moduan jarriaz.

Ondarearen bilketa eta grabatze lana
Artzaintza eta kirola abiapuntu hartuta ondarearen bilketa eta grabatze lana. Ibilbidean zehar gure ondarea islatuta eta balioan jarrita gera dadin, ondare horren bilketa lana egingo da, bertan eskualde, herri, turismo bulego, ekimen sozial, sektore akademiko, sektore profesional (lehen sektorea) edo eta adituen parte hartzea bilatuko delarik. Horrela ibilbidean zehar ahalik eta argazki osatuena bilatuz.

Natur ondarea
Ibilbidean zehar babestutako natur parkeak zeharkatuko ditugu. Bertan Europa mailan dauden Harizti zabal edo angio garrantzitsuenak, izugarrizko balio ekologikoa duten mendi larreak, ia endemikoak diren animalia ezberdinen bizitokia diren inguruneak, modu ia basatian aurkitzen ditugun bertako Etxabereak (Ardi Latxa, Betizuak, Pottokak, Auritz Behorrak, Behi Pirenaikoak…) hauen inguruan ere arituko gara, gure kirol ekimenak errespetuzkoak izan behar dira ingurunearekin eta horretarako ingurunearen balioaren ezagutza ezinbestekoa da.

Kultur ondarea
Ibilbidean zehar aurkituko ditugun herrien eta oro ar dugun kultur ondarea bildu eta ezagutzera emango dugu, kasu honetan gure hizkuntza ardatz izango delarik. Arruazuko artzaina zen nire osaba Joxe Mari Ganboa eta nire Izabako birraitona Doroteo de Miguelen (artzaina hau ere) artean edukitzen zituzten hizketaldiak aitzakia hartuta, batak Arruazuareraz eta besteak erronkarieraz.

Historia ondarea
Bai Artzaintza edo Nekazaritza oro har zein kirol erronkei lotutako istoria izango da gehien bat bilduko eta zabalduko dena. Askotan biak uztartuak agertuko diren istoriak biltzeko ahalegin berezia egingo da. Hala ere istoria ondare orokorraren zertzeladak bildu eta ezagutzera ematea bilatuko dugu. Artzain edo baserritarren artean egindako kirol erronka edo apostuak, gure mitologiak gordetzen dituen bitxikeriak, gure lurretan ezinbestekoak izan diren gertaera historiko bereziak, gure erronketarako grina azaltzen duten istoriak…

Giza ondarea
Ibilbidea garatzea edota ingurune hauetan aisiaz gozatzeko ezinbestekoa da herritarren arteko harremanak, nola harremanatzen gara? gure alde gizatiarra, norbanakoa zein kolektiboa. Gure izaera alegia, hau islatzea bilatuko dugu. Gai hauek ez dira isolatuak edo era ordenatuan landuko. Gainera gaiak ezingo dira, edo gure asmoa behintzat hori izango, sakonean azaldu. Erronka ardatz izango delarik, erronkaren inguruan agertuko diren zertzeladak izango dira. Lehen adierazi bezala, argazki osatuena bilatzeko asmoz. Azken finean gure ondarea islatuta geldituko bada ere modu arin eta interesgarrian izatea nahiko genuke.

KAPITULOAK

1. Atala

Proiektuaren aurkezpena

2. Atala

Bideo honetan nire helburuak zein diren eta nutrizio hau bertako produktuak eta produktu jasangarriak kontsumituz zergatik egin nahi dudan kontatuko dizuet.

babesleak

Sakana Garapen Agentzia Sakana Idiazabal D.O. Queso Roncal
Reyno Gourmet Muxu Estudio Xalok Artzai Gazta
AC training